To Dr John MacKenzie
Friday first's the day appointed
By the right worshipful anointed,
To hold our grand procession,
To get a blade o' Johnie's morals,
And taste a swatch o' Manson's barrels,
I' the way of our profession:
Our Master and the Brotherhood
Wad a' be glad to see you;
For me I would be mair than proud
To share the mercies wi' you.
If death then wi' skaith then
Some mortal heart is hechtin,
Inform him, and storm him,
That saturday ye'll fecht him.