Alloway Burns Club Title
www.allowayburnsclub.org.uk

The Couper O' Cuddy

The Couper o' Cuddy came here awa,
He ca'd the girrs out o'er us a';
An' our gudewife has gotten a ca',
That's anger'd the silly gudeman O.

Chorus
We'll hide the Couper behint the door,
Behint the door, behint the door;
We'll hide the Couper behint the door,
And cover him under a mawn O.

He sought them out, he sought them in,
Wi', deil hae her! and, deil hae him!
But the body he was sae doited and blin',
He wist na where he was gaun O.

Chorus

They couper'd at e'en, they cooper'd at morn,
Till our gudeman has gotten the scorn;
On ilka brow she's planted a horn,
And swears that there they shall stan' O.

Chorus