The Cooper O' Dundee

Ye coopers and hoopers attend to my ditty,
I sing o' a cooper who dwelt in Dundee;
This young man he was baith am'rous and witty,
He please'd the fair maids wi' the blink o' his e'e.

He was nae a cooper, a common tub-hooper,
The most o' his trade lay in pleasin' the fair;
He hoopt them, he coopt them, he bort them, he plugt them.
An' a' sent for Sandie when out o' repair.

For a twelvemonth or sae this youth was respected,
An' he was as bisie, as weel he could be;
But bis'ness increas'd so, that some were neglected,
Which ruin'd trade in the town o' Dundee.

A baillie's fair daughter had wanted a coopin',
An' Sandie was sent for, as oft time was he,
He yerkt her sae hard that she sprung an end-hoopin',
Which banish'd poor Sandie frae bonny Dundee.