Robin Shure In Hairst

Chorus
Robin shure in hairst,
I shure wi' him.
Fient a heuk had I,
Yet I stack by him.

I gaed up to Dunse,
To warp a wab o' plaiden;
At his daddie's yet,
Wha met me but Robin.

Chorus

Was na Robin bauld,
Tho' I was a cotter,
Play'd me sic a trick
And me the Eller's dochter?

Chorus

Robin promis'd me
A' my winter vittle;
Fient haet he had but three
Goos feathers and a whittle.

Chorus