O Were My Love Yon Lilac Fair
O were my Love yon lilac fair,
Wi' purple blossoms to the Spring;
And I, a bird to shelter there,
When wearied on my little wing.
How I wad mourn, when it was torn
By Autumn wild, and Winter rude!
But I was sing on wanton wing,
When youthfu' May its bloom renew'd.
O gin my love were yon red rose,
That grows upon the castle wa'!
And I mysel' a drap o' dew,
Into her bonnie breast to fa'!
Oh, there beyond expression blesst
I'd feast on beauty a' the night;
Seal'd on her silk-saft faulds to rest,
Till fley'd awa by Phebus' light!