On The Duchess Of Gordon's Reel Dancing
She kiltit up her kirtle weel
To show her bonie cutes sae sma',
And walloped about the reel,
The lightest louper o' them a'!
While some, like slav'ring, doited stots
Stoit'ring out thro' the midden dub,
Fankit their heels amang their coats
And gart the floor their backsides rub;
Gordon, the great the gay, the gallant,
Skip't like a maukin owre a dyke:
Deil tak me, since I was a callant,
Gif e'er my een beheld the like!