Joannes Andersone Mi

(John Anderson, My Jo)

Joannes Andersone mi,
Quum primum cognitus,
Crines nigro colore erant
Vultusque nitidus;
Sed nunc Joannes calvus es
Crines sunt nivei,
Beatum sit canum caput,
Joannes care mi.

Joannes Andersone mi,
Montem unâ scandimus,
Et felices multos dies
Simul nos egimus.
Per pronum titubandum est,
Sed manibus junctis;
Ad montis infimam partem
Quies erit nobis.