Montanus Vir

(A Highland Lad)

Montanus vir, amans mei
Cui lex erat contemptui,
Sed genti erat fidissimus
Montanus Johanniculus.

Montanus Johanniculus,
Montanus Johanniculus,
In omni terrâ par nemo,
Montano Johanniculo.

Versicolori tunicâ,
Aptâque lateri sicâ,
Puellis carus omnibus,
Forniosus Johanniculus.

Montanus Johanniculus, etc

A Tweed, vagati ad Speium,
Sumus modo nobilium,
Nemo unquam fecit timidum,
Montanum Johanniculum.

Montanus Johanniculus, etc.

Eum fecerunt exiilem;
Sed ante aestatem florentem,
Flevi ego, gaudiis amens,
Johannem meum complectens.

Montanus Johanniculus, etc.

Ceperunt eum, et, captum
Jecerunt in eigastulum;
Sit mala crux nunc omnibus,
Suspensus Johanniculus.

Montanus Johanniculus, etc.

Lugendae mihi, nunc orbae,
Voluptates praeteritae.
Nil mi praebet solatium
Ni Bacchi plenum poculum.

Montanus Johanniculus, etc.