Lady Onlie, Honest Lucky

A' the lads o' Thornie-bank
When they gae to the shore o' Bucky,
They'll step in and tak a pint
Wi' Lady Onlie, honest lucky.

Lady Onlie, honest lucky,
Brews gude ale at shore o' Bucky;
I wish her sale for her gude ale,
The best on a' the shore o' Bucky.

Her house sae bien, her church sae clean,
I wat she is a daintie Chuckie!
And cheery blinks the ingle-gleede
O' Lady Onlie, honest lucky.

Lady Onlie, honest lucky,
Brews gude ale at shore o' Bucky;
I wish her sale for her gude ale,
The best on a' the shore o' Bucky.