Carl An The King Come

Chorus
Carl an the king come,
Carl an the king come;
Thou shalt dance and I will sing,
Carl and the king come.

An somebodie were come again,
Then somebodie maun cross the main,
And every man shall hae his ain,
Carl an the king come.

Chorus

I trow we swapped for the warse,
We gae the boot and better horse;
And that we'll tell them at the cross,
Carl an the king come.

Chorus

Coggie an the king come,
Coggie an the king come,
I'se be fou and thou'se be toom,
Coggie an the king come.

Coggie an the king come,
Coggie an the king come;
Thou shalt dance and I will sing,
Coggie and the king come.